6.7.2014 - HFL - Florbal Stonava - Orlovští ležáci 2:3 (1:0, 0:2, 1:1)
Zápis z tohoto zápasu obstaral tentokráte útočník - Daniel Fuckala.
Tóż syncy se tego chytli po ostravsku, tak mi to nie dało a prawiłech se, że to musi iść aj po naszymu…
Zapas z Orłovóm był pro mnie po hodnie dłógi dobie fakt zajimawy, boch grou v polu… no przed zapasym żech se vysłechnył ruzne jakoże wtipne poznamki, dość ludzi se na mnie dziwało jak na świyntego na moście jak żech oblyk tyn żółty dres. Myślołech, że to synkom ukożym jak se to graje… no nie ukozołech…
Po piyrszej minucie żech mioł dość, ale to se dało czakać… aspóń żech se drżoł naszego hesla „Kdo nemůže střídá“. Naszczynści Jurisowi nie wadziło grać kapke wiyncyj. Nie zaczli my nejgorszy, jaksi w 1. trzecinie żech se prawił, że je czas puścić Wawrosza na plac a ón hned doł gol… jo by go asi nie doł… Dłógo my to drżeli. Szanci moc nie było, bo Orłowiocy to dobrze hustili przed brankóm, także my se ku niczymu moc nie dostali. Aj żech tam zmaścił jaksi przihry, ale mój przinos miou być tyn, że moc nie zadupiym a niechom spocznyć tych, co rozhodnom. Ve drugi trzecinie my dostali v celkem krótkim czasie 2 goly… myślym, że oba padły biehem jednego mojigo strzidania. Piyrszy se moc nie pamiyntom, u drugigo my byli z Dankym przed branóm a był tam aj souperz, myślołech, że go Danek mo, bo to był jego grocz… no nimiou. Przegrowali my 2:1 a to było dość na guwno. Kurde, jaksi żech ani nie registrowou, co se dzieje kolem, także nimogym ani przidać jaksiom wtipnom historke. To grani nima tako sranda jak walani w brance… No przisło mi, że my nie grali źle, jak na to w jaki sestawie my byli… podarziło se nóm aj wyrownać. Moc se tych strzelców nie pamiyntóm, ale pod zapisym je dycki statystyka kaj to je napisane, także se tym nie trza stresować. Remize by my isto brali, ale chwile przed końcym my to zas spieprzili a dostali gol na 3:2. Power play nie pomogła, po drugi my z ležakami przegrali. Jedine co mnie może cieszyć je, żech mioł 66,6% uspiesznost na buly, coż były dwa wygrane buly proci orłowskimu Pisztowi, kiery mo sice silnom papule, ale rynce słabe… także to zaś taki uspiech nima.
#13
Uvedený text se nemusí shodovat s oficiálním postojem Florbalu Stonava.
Statistika zápasu:
09:58 - Wawrzyk Jiří (Dovica Marek) - 1:0
18:26 - Orlovští ležáci - 1:1
18:52 - Orlovští ležáci - 1:2
25:44 - Dovica Marek (Byrtus Radomír) - 2:2
35:28 - Orlovští ležáci - 2:3
Vyloučení: 2:0. Využití: 0:0. Oslabení: 0:0.
Sestava týmu:
Tomasz Chorzempa (B)
Pavel Blus (O), Adam Nalewajka (O) - Vojtěch Feber (O), Daniel Kopic (O)
Marek Kožusznik (Ú), Daniel Fukala (Ú), Marek Dovica (Ú) - Jan Ćmok (Ú), Radomír Byrtus (Ú), Jiří Wawrzyk (Ú)
